WPF - 5 (კონტროლები)

WPF ში შესაძლებელია ასობით კონტროლის გამოყენება. ყველა მათგანი რაღაცით გამოირჩევა და აქვს რაღაც დანიშნულება, რაც მათ ხდის უნიკალურს, მაგრამ ძირითადად მაინც ხდება ერთი სიის ჩამოყალიბება, სადაც ყველა კონტროლი არ შედის და ამ სიის წევრები ყველაზე ხშირად გამოყენებული კონტროლებია. უკეთესად გასაგებად, შეგვიძლია განვიხილოთ კონტროლები, რომლებიც დაყოფილია შემდეგ ჯგუფებად.

Ø  Simple

Ø  Content

Ø  Headered content

Ø  Items

Ø  Headered items

Ø  Decoration

ამ ნაწილში განვიხილავ პირველ ორ ნაწილს, ხოლო შემდეგში დანარჩენს. დავიწყოთ Simple კონტროლის ჯგუფით, რომელშიც ის კონტროლები შედიან, რომელთაც არ გააჩნიათ Content თვისება. ღილაკის კლასში თქვენ ნახეთ, რომ მას შეუძლია მიიღოს ნებისმიერი ფორმა, ან ჩაიშენოს თავის თავში კიდევ სხვა კონტროლები. შემდეგი რამ არ არის შესაძლებელი მარტივი კონტროლებისთვის. ქვემოთ გავაკეთე ცხრილი, სადაც მოყვანილია მარტივი კონტროლების მაგალითები და მათი მოკლე აღწერა, რომელიც საკმარისი უნდა იყოს ამ ეტაპზე.

Slider	ამ კონტროლის დახმარებით შესაძლებელია ScrollBar, ProgressBar, Slider ის გაკეთება, რომლებიც RangeBsae ის მემკვიდრეები არიან, და მთავარი აზრი ის არის, რომ მაუსის ან თითის მოძრაობით შესაძლებელია ამ კონტროლის (რიცხვითი) მნიშვნელობის შეცვლა რაღაც მოცემულ დიაპაზონში.
ScrollBar	Slider ის მსგავსად მომხმარებელს შეუძლია მაუსის მარტივი მოძრაობით გაუმკლავდეს ისეთ სიტუაციას, როდესაც დოკუმენტი მოცემულ ზომებში ბოლომდე ვერ ეტევა. კონტროლის გამოყენებით კი შესაძლებელია დოკუმენტის დამალული ნაწილების ჩვენება. თუ დოკუმენტი ძალიან დიდია, მაშინ ეს კონტროლი, სტანდარტულ შემთხვევაში, ავტომატურად ჩნდება.
ProgeressBar	ამ კონტროლით შესაძლებელია ოპერაციის პროგრესის ჩვენება. მაგალითად როცა რაიმე იტვირთება.
PasswordBox	კონტროლი გამოიყენება პაროლის შესაყვანად და აქვს სპეციალური თვისებები შემოსული პაროლისთვის. მაგალითად, PasswordChar იმ სიმბოლოს განსასაზღვრად, რომელიც უნდა გამოჩნდეს მომხმარებლის მიერ შემოყვანილი პაროლის ნაცვლად (ხშირად ეს ვარსკვლავები ან წერტილებია), ან Password, რომ ვნახოთ პაროლი, რომელიც შემოიყვანა მომხმარებელმა. PasswordChanged მოვლენა გააქტიურდება მაშინ, როდესაც პაროლი შეიცვლება.
Calendar	ეს კონტროლი ახალია და შემოვიდა .NET 4 თან ერთად. აჩვენებს თვეს, წელს და შესაძლებელია თარიღის(ების) არჩევა.
DatePicker	არის კონტროლი, რომელიც ხსნის ლოკალურ კალენდარს, იმისთვის, რომ მომხმარებელმა აირჩიოს სასურველი თარიღი.
TextBox	არაფორმატირებული ტექსტის საჩვენებლად გამოყენებადი კონტროლი
RichTextBox	შესაძლებელია ტექსტის ჩვენება FlowDocument კლასის დახმარებით.

Content კონტროლები

Content კონტროლებს, სახელიდან გამომდინარე, გააჩნია content თვისება, რომლის დახმარებითაც შესაძლებელია content ის დამატება კონტროლში. Button კლასი არის ContentControl ის მემკვიდრე და სწორედ ამიტომ არის შესაძლებელი მასში შიგთავსის დამატება. წინა მაგალითებში თქვენ ნახეთ StackPanel და Grid ის ღილაკში მოთავსების მაგალითიც.

Button	კონტროლის წინაპარი კლასია ButtonBase, რომელსაც Button კლასთან ერთად ჰყავს ReapeatButton, ToggleButton, მემკვიდრეები. ყველა ზემოთ ჩამოთვლილი რეაგირებს Click მოვლენაზე. ToggleButton არის საბაზო კლასი RadioButton და CheckBox ისთვის, რომლებსაც ორი მდგომარეობა გააჩნიათ - ჩართული და გამორთული ან, შესაბამისად, მონიშნული და ცარიელი. CheckBox ის მონიშვნა და გაწმენდა შესაძლებელია მომხმარებლის მიერ, მაგრამ RadioButton ის გაწმენდა უკვე პროგრამული მანიპულატორის საქმეა.
Frame	კონტროლი გამოიყენება ნავიგაციისთვის, რომლის ძირითადი მეთოდია Navigate(), და ამით ხდება გვერდებს შორის ნავიგაცია.
Label	კლასი წარმოადგენს კონტროლისთვის უბრალო ტექსტს.
ListBoxItem	არის ListBox ში მოთავსებული წევრი.
StatusBarItem	StatusBar კონტროლის შიდა წევრი
ScrollViewer	არის კონტექსტური კონტროლი, რომელიც შეიცავს ScrollBar ებს. ამ  კონტროლში შესაძლებელია ნებისმიერი ინფორმაციის მოთავსება, ხოლო ScrollBar ები გამოჩნდებიან საჭიროების შემთხვევაში.
ToolTip	კლასი აკეთებს pop-up ფანჯარას, რომელიც დაწვრილებით ინფორმაციას იძლევა კონტროლისთვის. მაგალითისთვის შეიძლება აიღოთ: სამუშაო მაგიდაზე მოთავსებულ ფაილზე თუ კურსორს მიიტანთ და გააჩერებთ, მაშინ pop-up ფანჯარა გაჩნდება და დაინახავთ მეტ ინფორმაციას ამ ფაილის-კონტროლის შესახებ.
NavigateionWindow	კლასი არის Window კლასის მემკვიდრე და არის კონტექსტური ნავიგატორი.
Window	კლასი საშუალებას გვაძლევს შევქმნათ dialog Box ები და ფანჯრები. სტანდარტული სახე არის ფანჯარა, რომელსაც გააჩნია მაქსიმიზაცია/მინიმიზაცია/დახურვა ღილაკები და სისტემური მენიუ. dialogBox ის და ფანჯრის საჩვენებლად ვიყენებთ შესაბამისად შემდეგ მეთოდებს - ShowDialog() და Show()

Headered Content Controls

Content კონტროლები Header ით მემკვიდრეობენ HeaderedContentControl ისაგან, რომლის წინაპარიცაა ContentControl კლასი. HeaderedContentControl ებს გააჩნიათ თვისება Header, რომლითაც შესაძლებელია კონტექსტის განსაზღვრა, მეორეს მხრივ კი შესაძლებელია მათი სრული დიზაინის შექმნა HeaderTemplate ის გამოყენებით. ქვემოთ მოცემულია ის კონტროლები, რომელთათვის საბაზო კლასი არის HeaderedContentControl კლასი.

Expander	ამ კლასის გამოყენებით შესაძლებელია უფრო განვითარებული dialog box ის შექმნა, რომელიც სტანდარტულად არ აჩვენებს ყველა ინფორმაციას, მაგრამ შესაძლებელია მომხმარებლის მიერ გაფართოვდეს ინფორმაციის თვალსაწიერი. გაუფართოებელ ფორმაში კი ჩანს მხოლოდ სათაურის კონტექსტი(herader).
TabItem	კონტროლი არის TabControl ის წევრი. ამ კლასის Header თვისება განსაზღვრავს თუ რა უნდა გამოჩნდეს TabControl ში მოთავსებული ტაბების სათაურად.
GroupBox	ეს კონტროლი საშუალებას გვაძლევს მასში ჩავსვათ სხვა კონტროლები, და თან ეს კონტროლები იყვნენ შემოსაზღვრულები და დასათაურებულები.

ქვემოთ არის მარტივი Expander ის მაგალით მოცემული. მას გააჩნია Header თვისება, რომელიც არის, ჩვენს შემთხვევაში, „დამაჭირე გასაფართოებლად“. როდესაც კონტროლი გაფართოვდება, მაშინ გამოჩნდება Content თვისებაში მოთავსებული ტექსტური ცვლად, თუ არსებობოს.

Item Controls

ItemControl კლასი შეიცავს წევრების სიას, რომელზეც წვდომა შესაძლებელია განხორციელდეს Items თვისების გამოყენებით. ქვემოთ მოცემულია კლასები, რომლებიც მემკვიდრეობენ ItemControl კლასიდან.

Menu, ContextMenu	მემკვიდრეები არიან აბსტრაქტული საბაზო კლასისა MenuBase. შესაძლებელია მომხმარებელს შესთავაზოთ მენიუ MenuItem ელემენტის დამატებით Item სიაში
StatusBar	ჩვეულებრივ მოთავსებულია აპლიკაციის ქვედა ნაწილში და მომხმარებელს აჩვენებს აპლიკაციის სტატუსს. StatusBarItem ის მოთავსება შესაძლებელია StatusBar ის წევრების სიაში
ListBox, ComboBox, TabControl	მემკვიდრეობენ ერთი და იმავე აბსტრაქტული კლასისაგან Selector. საბაზო კლასი საშუალებას იძლევა ავირჩიოთ ამ კონტროლების წევრები.
Treeview	წევრების იერარქიულად საჩვენებლად გამოიყენება Treeview კონტროლი.
DataGrid	არის გარეგნულად დახვეწილი Grid, სპეციალურად მონაცემების საჩვენებლად. ეს კონტროლი ახალია და შემოვიდა .NET 4 თან ერთად

Headered Items Controls

HeaderedItemsControl არის იმ კონტროლების საბაზო კლასი, რომელსაც გააჩნიათ წევრები და ამავე დროს ეს წევრები საშუალებას იძლევიან, რომ ჰქონდეთ სათაური. ქვემოთ მოცემულია ეს კონტროლები.

MenuItem	კლასები Menu, ContextMenu შეიცავენ წევრებს, რომლებიც არის MenuItem ტიპის. მენიუს წევრები შეიძლება პირდაპირ დაუკავშირდნენ ბრძანებებს, რადგან MenuItem კლასი იმპლემენტაციას უკეთებს IcommandSource ინტერფეისს.
TreeViewItem	არის Treeview კონტროლის წევრის ტიპი
ToolBar	არის კონტროლი, რომელიც თავის მხრივ შეიცავს კონტროლების ჯგუფს. ჩვეულებრივ Button და Separator ელემენტებს. ToolBar ის მოთავსება შესაძლებელია ToolBarTray ს შიგნით

Decoration  

დეკორაციები ასოცირდებიან საზღვრებთან ViewBox თან და სიებთან.